स्वप्न पहा पण त्यावर विश्वास ठेऊन, त्याला कृतीची जोड दिली तर तेच कार्य जीवनाचा अविभाज्य भाग बनतो. त्यावर निष्ठा ठेऊन आणि वेळ दिला की ते स्वप्न प्रत्यक्षात उतरते. या उक्तीप्रमाणे कन्याकुमारी भोईटे आयुष्य घडत गेले.
सोलापुरातील एका सुशिक्षित कुटुंबात कन्याकुमारीचा जन्म झाला. अगदी मुक्त वातावरणात त्यांचे बालपण गेले. लहानपणापासून त्यांची कलेकडे ओढ होती. त्यामुळे कागदी फुले, पॉट पेंटींग, आणि विविध प्रकारचे कलाकुसरीच्या वस्तू बनवत असे. वाढत्या वयानुसार कलेची कल्पकता वाढत गेली. यामुळे त्यांना अशा विविध कलाकुसरीच्या वस्तू बनवण्याचा छंद जडला. त्यामुळे त्या आपली कला जोपासण्यासाठी बाजारातून विविध वस्तू खरेदी करत असत. सतत नवीन काहीतरी बनवायचं आहे यासाठी प्रयत्नशील असत. या सगळ्यामध्ये त्यांनी नियमित अभ्यासक्रमाकडे दुर्लक्ष केले नाही. कॉलेजमध्ये असताना त्यांनी पुष्पगुच्छ करण्याची कला शिकल्या. यामधून त्यांना एक वेगळी दृष्टि मिळाली. निसर्गातील विविध वस्तू वापरून त्या कलाकुसरीच्या वस्तू बनवू लागल्या. अगदी सुकलेली पाने-फुले जे मिळेल त्यामध्ये आपली कला शोधत असे. अनेक प्रदर्शनात त्यांनी आपली कला सादर केली. त्यामुळे त्यांना अनेक बक्षीस मिळाली. त्यांच्या कलेचे घरातल्यांपासून शिक्षकांपर्यंत सगळ्यांना कौतुक होते. आपली कला जोपसताना त्यांनी विज्ञान शाखेतील पदवी पूर्ण केली.
शिक्षण पूर्ण केल्यावर त्यांनी सोलापूरमधील एका महाविद्यालयात मायक्रोबायोलोजीच्या प्राध्यापक म्हणून कामाला सुरुवात केली. या पदावर त्यांनी आठ वर्ष काम केले. या दरम्यान त्यांनी पी.एच.डी.ला करायला सुरुवात केली. त्याच काळात त्याचे लग्न शिवराज भोईटेशी झाले. पती गोव्याला राहत असल्यामुळे त्या गोव्याला राहायला गेल्या. तिकडे एका महाविद्यालयात सहाय्यक प्राध्यापक पदावर काम करत असताना संसार आणि काम यामुळे त्यांना पी.एच.डी.चे लिखाण करायला वेळ मिळत नसे म्हणून त्यांनी काम सोडून पी.एच.डी.साठी पूर्ण वेळ द्यायचा असे ठरवले त्यानुसार त्यांनी पी.एच.डी पूर्ण केली. घरी बसून काही काम करता येईल अशा संधी त्या शोधू लागल्या.
एक दिवस त्यांच्या मैत्रिणीने त्यांना एक भेटवस्तू म्हणून क्लीलिंगचा सेट दिला. त्याच्याविषयीची उत्सुकता वाढल्यामुळे त्यांनी इंटरनेटवर क्लीलिंग कलेची माहिती मिळवली. त्यापासून विविध वस्तू बनवायची पद्धत त्या इंटरनेटवर शिकल्या. घरी विविध आकाराच्या वस्तू जसे फुले, आकर्षक डिझाईन बनवू लागल्या. त्यासाठी लागणारे साहित्य बाजारातून आणले आणि आणखीन काही वस्तू बनवल्या. इंटरनेटच्या माध्यमातून नवनवीन पद्धती शिकून त्यांना या कलेची गोडी निर्माण झाली. यामधून त्यांनी एक अत्यंत देखणी बाहुली बनवली. ती बाहुली नातेवाईक आणि मित्र-मैत्रिणीला खूप आवडली. तेव्हाच त्यांना या अशी एक अजून बाहुली बनून दे अशी मागणी आली.
आपली कला जगापुढे सादर करायची संधी शोधत असताना आय. टी कंपनीत या वस्तू विक्रीस ठेवू असा विचार त्यांच्या मनात आला. त्यांनी हा विचार पती व भाऊ यांच्यासमोर मांडला. दोघांचा होकार आल्यावर त्यांनी कामाला सुरुवात केली पण त्यांच्याकडे फक्त पंधरा दिवस शिल्लक होते. तरीही त्यांनी विविध वस्तू बनवल्या जसे थ्रीडी दिवे, मेणबत्ती, बनवल्या. या वस्तू विक्री करताना व्यावसायिक रीतीने त्याची पाकिंग करून त्यांचे कंपनीत प्रदर्शन ठेवले. कंपनीत भरपूर प्रतिसाद मिळाला. या कलेविषयीची आवड निर्माण झाल्यामुळे त्या आपल्या कामात नवनवीन संशोधन करून विविध वस्तू बनवू लागल्या. अशा प्रकारे एका कलेच्या माध्यमातून कन्याकुमारीचे आयुष्य बदलायला सुरुवात झाले. यामधून त्यांनी QuillEssence: सर्जनशीलता Curls "ची सुरुवात केली. नातेवाईक, आजूबाजूचे लोक त्यांच्या कामाचे कौतुक करत असे. तसेच त्यांचे पती त्यांच्या कलेचे कौतुक करताना आणखीन कसे चांगले करता येईल यासाठी प्रोत्साहन देत.
गोव्यात ख्रिसमस सण मोठ्या उत्साहात साजरा करण्याची तयारी सुरु असताना कन्याकुमारी यांनी मेणबत्तीपासून संता पर्यंत अनेक वस्तू बनवून विक्रीसाठी ठेवल्या. याला लोकांकडून प्रचंड प्रतिसाद मिळाला. कन्याकुमारी यांनी बनवलेल्या वस्तू पणजीत जीसीसीसीच्या महिला विभागाच्या वतीने आयोजित अस्तुरी या प्रदर्शन ठेवल्या होत्या. प्रदर्शनात त्यांच्या कामाचे खूप लोकांनी कौतुक केले.त्यांचे हे पहिले व्यावसायिक प्रदर्शन होते. प्रदर्शनामुळे त्यांच्या प्रोडक्टला एक मोठे व्यासपीठ मिळाले. तसेच मागणीत वाढ झाली, लोकांच्या आवडीनुसार भेटवस्तू बनवून देऊ लागल्या. या प्रदर्शनामुळे त्यांना नवीन प्रेरणा मिळाली. त्यानंतर मात्र त्यांनी मागे वळून पाहिले नाही. रोज नवनवीन वस्तू बनवून पाहत असे. कॉडेल होल्डर, फोटो फ्रेम, वॉल फ्रेम, वॉल आणि डोर हॉगिंग, दागिने, डॉल, कॉपरेट गिफ्ट आणि आणखी खूप काही. त्यांच्या कामाचे सगळेजण कौतुक करत असतात. त्यांना या कामातून शांतता आणि तणावमुक्त राहण्यास मदत मिळते म्हणून हे काम, काम राहिले नाही तर एक छंद बनला आहे.
त्यांनी बनवलेल्या वस्तू देश -विदेशात पोहचल्या आहेत. दुबई, श्रीलंका, जर्मनी अशी मोठी यादी आहे. या कामामुळे त्यांची समाजात एक ओळख निर्माण झाली आहे. त्यांना जे हवे ते करायला मिळते म्हणून त्या खूप आनंदी आहेत. कुटुंबातील सहकार्यामुळे त्या आज स्वता: ची ओळख निर्माण करू शकल्या. पतीच्या पाठिंब्यामुळे त्या आज स्वता: चा व्यवसाय सुरु करू शकल्या. हा व्यवसाय पती- पत्नीच्या भागीदारीत सुरु केला असून त्यासाठी पती नेहमी मदत करतात.
नुकतीच त्यांना पी'एचडी पदवी मिळाली असून शैक्षणिक व्यवसायासोबत आपली जोपसणार आहेत तसेच कलेच्या आणि व्यवसाय म्हणून त्याच्या वाढीसाठी प्रयत्न करणार आहे.
त्याचबरोबर कामाचा वाढता व्याप पाहून टीमचा विस्तार करणार आहेत. काही लोक त्यांच्या ही कला शिकण्यासाठी येत आहेत तर यासंदर्भातील नियमित कार्यशाळाही सुरु करणार आहेत. भविष्यात ई कॉमर्स कंपनी सुरु करण्याचा विचार आहे.
No comments:
Post a Comment